歐聯又冇份　阿仙奴養唔起韋舒亞囉！

即上英超刨績王：http://win.on.cc/epl　

英超褪色勁旅阿仙奴近季戰績一季不如一季，繼上季無緣前4踢唔到歐聯後，依家排名第6嘅「兵工廠」，今季爭逐歐聯席位前景都係一樣唔樂觀，而由於球隊極有機會連續兩季緣盡歐聯，意味住收入將會大減，嚟緊要減磅賣球員或減薪都似乎勢所難免，當中英格蘭中場韋舒亞就會成為開刀對象喎！

據知，阿仙奴今個財政年度已經麵臨住球員人工上升10%嘅壓力，而由於球隊喺歐聯獎金分紅同門票收入大減，就更令財政負擔增加。消息指，即使「兵工廠」喺一月已經先後清走咗阿歷斯山齊士、禾確特、基奧特、高基連同迪比治等，不過由於中場奧斯爾份新約大幅加薪，同時又簽入包括奧巴美揚同米希達利恩兩名貴價兵，依家韋舒亞如果想留隊，球會將要佢份9萬鎊周薪合約，大幅減薪25%先有得傾，否則寧願會將佢賣走好過，聽見都陰功呀！

Go Go 開波 GOAL DX 策略手遊
贏盡100萬現金獎賞 https://goo.gl/irtKhK　

東網體育同你追實體壇每個精彩時刻！　
https://goo.gl/ewVpvE　

本文來源：http://hk.on.cc/hk/bkn/cnt/sport/20180324/bkn-20180324193016395-0324_00882_001.html