即上英超刨績王：http://win.on.cc/epl
呢個????仔咁熟口面嘅？係呀你冇睇錯，佢就係杜奧巴囝囝艾錫杜奧巴！小魔獸轉眼間已經17歲，剛複印老竇足跡，正式投效法甲甘岡。艾錫杜奧巴同爸爸一樣，都係司職前鋒，接受車路士青訓後剛正式轉投甘岡，兩父子職業生涯之路似到十足十。杜奧巴踢甘岡嗰陣開始爆發，兩季後就高價轉會車路士，唔知艾錫有冇咁叻仔呢？
16年前，甘岡以8萬鎊購入勒芒射手杜奧巴，到2018年就簽入艾錫。甘岡於官方Twitter鋪出艾錫手持波衫照，除咗個髮型較短之外，艾錫個樣堅似爸爸，估唔到職業生涯開段亦一模一樣。
杜奧巴當然高興，佢急不及待於社交網話：「阿仔，老竇以你為榮！」之後魔獸嘅車路士隊友林柏特同泰利，亦都留言祝賀，林伯就話：「喺我印象中，艾錫係個好有禮貌嘅小朋友，估唔到依家成個大人咁喇！恭喜晒你兩父子！」
東網體育同你追實體壇每個精彩時刻！
https://goo.gl/ewVpvE
本文來源：http://hk.on.cc/hk/bkn/cnt/sport/20180220/bkn-20180220184617456-0220_00882_001.html
