港九區D1學界泳賽是本地泳壇每年的一大盛事，每年不少香港隊泳手都選擇重返這個學界賽場，支持師弟妹之餘，同時亦感受青春熱血的氣氛。周五決賽大戰，幾位港將就各有各忙碌，美人魚歐鎧淳就受電視台邀請，在Facbook Live住為一班泳手打氣，她更走入各校的啦啦隊中，一起叫口號打氣，齊齊撐起學界泳賽！現場所見淳淳亦勁受學生歡迎，爭相自拍及合照，人氣爆燈，她亦對現場氣氛感到相當滿意：「以前我個年代要靠學生擺片段上網，大家再搵Link睇，但依家大家好方便喺網上平台就睇到直播，今次我走入啦啦隊中，叫佢哋教我嗌，我都嗌到虛晒，所以佢哋由早嗌到晚真係唔容易 。學界氣氛比起亞運同奧運更加熱鬧，因為有咁Local嘅Cheering Team，肯捨得畀學生走堂為同學打氣，真係好難得，希望呢個傳統可以一路延續落去。」對於自己的學界紀錄被何南慧打破，她就大方表示「紀錄擺喺度係畀人破架」。
至於去年畢業的前女拔隊長黃筠陶，以及前喇沙猛將林浩賢，就為電視台的直播賽事擔任旁述，兩人都大呼感覺新鮮又緊張，林浩賢指：「第一次都有有少少緊張，不過以前中學游比賽，一上水就畀人捉住訪問，已經練好咗講嘢喇！」而黃筠陶就表示：「我覺得好興奮，一直好期待試新嘢，自己講嘢唔係好好，對我嚟講係個挑戰。知道師妹好認真訓練，好想佢哋發揮到水準，仲緊張過自己落去游，所以直播時都要盡量收歛自己情緒。」
東網體育同你追實體壇每個精彩時刻！
http://bit.ly/2ecTF2A
本文來源：http://hk.on.cc/hk/bkn/cnt/sport/20171027/bkn-20171027151151130-1027_00882_001.html
