政府宣布小學及幼稚園明日(8日)起停課，不少家長均滿意有關安排，認為可防止小朋友帶住「流感」過新年。不少位於九龍塘上午校幼稚園中午陸續放學，家長陳太對停課安排感滿意，「早啲放假少咗感染危機，都放心啲。」但指學校對突如其來的停課安排措手不及，「新年party要取消，又要即刻派新年習作，小朋友當然會失望，但提早放假小朋友都開心嘅。」
部分家長就認為政府應該更早宣布停課安排，男童悅悅的媽咪就指，雖然小朋友已打流感針，但為了安心，這幾天都叫小朋友戴口罩上學。她認為如停課安排再早幾天會更好，「始終一班咁多人，好容易互相傳染。」
而不少家長仍未帶小朋友打流感針，家長吳太批評「想帶佢(兒子)去私家打，但度度都斷晒貨。」她透露小朋友每日要搭校巴上學，車上有其他小朋友有流感病徵，擔心自己兒子會中招，「依家停課都滿意，危險性少咗。」另一名陳老太就指，其3歲的外孫女無打針，「因為無咁嘅意識，但依家都驚驚哋，之後會帶佢去打流感針。」她指政府一早就應統一停課，「始終無病嘅小朋友仲要繼續返學，仍有機會畀其他人傳染到。」
本文來源：http://hk.on.cc/hk/bkn/cnt/news/20180207/bkn-20180207131542610-0207_00822_001.html
