張繼聰陪產 預計老婆停工兩年 謝安琪剖腹誕女湊「好」字

【星島日報報道】恭喜！恭喜！謝安琪（Kay）於昨日下午3時許，開刀誕下女兒張靖（Karina）。張繼聰昨日下午5時於仁安醫院會見傳媒公布喜訊，並透露女兒重7磅半，親手剪臍帶。全程於手術室陪伴太太的張繼聰，大歎過程甜蜜又感動，他並表示除非男人可代產，否則「兩個夠晒數」。 文：駱震寧 圖：陳敏華、錢文坤

張繼聰自嘲經過老婆上次順產經驗，以為今次可保持硬漢形象，結果於手術室內走動時差點撞到儀器。他笑說：「醫生都對我寄以厚望，叫我講 笑，令Kay唔好咁緊張。但我真係乾塘，唔知講咩！結果好似小學運動會咁講加油、試 望住我，加油！」

「兩個夠晒數」

張繼聰坦言整過過程都沒甚麼可以幫忙，驚歎太太及所有女士的偉大。他說：「所以兩個夠晒數，除非男人可以代生，我就會生。」談到Kay的情況，他說：「剛剛餵完母乳！好甜蜜，阿女一見我就捉住我隻手，揩埋佢塊臉到。我即時諗起要小心處理，唔好錫晒個女，唔理太太。」張繼聰透露哥哥張瞻晚點會到醫院跟妹妹見面，他坦言期待兩兄妹見面一刻。

Karina出處有故事

張繼聰稱為女兒張靖英文命名的小故事。他說：「原本係另一個英文名 ，當日太太佗 一個月，都未知係仔定女。有一日我發夢，見到一個好可愛 小妹妹，想要自己個名叫Karina，因為想同媽咪一樣都係『Ka』字頭，所以叫Karina。」談到有報道指Kay產後停工3年，他說：「真係無諗幾時復工，但係剛剛見佢望個女 眼神，一、兩年都走唔甩。未有諗咁多，目前都係湊女為先。」

契爺Juno送黑白衫

契爺麥浚龍（Juno）表示，替Kay誕下張靖感很開心。Juno說：「一早知係女，亦相信會有許多朋友會送粉紅色衫，所以選購 一系列黑白色衫送畀契女。」問到可會探望Kay？他說：「剛剛生完BB好 ，等Kay坐完月先再約時間探佢 。」

天生美女具音樂天分

另外，堪輿學家雲文子指昨日出生的BB女，命宮有天柱星及地盤有六合，屬天生美人兒，有一雙大眼睛，學習力強，天賦口才了得，對音樂、唱歌別具天分，性格有規律，為人 重原則較為「硬頸」同時又敏感，屬有個性的性情中人。可見張靖盡得父母遺傳演藝細胞，更可接媽咪棒成為女神第二代。

再度榮升爸爸的張繼聰難掩喜悅，昨晚即使抱 「小情人」Karina跟大家於社交網站見面，並留言說：「感謝大家 祝福，Karina says hi to everyone，感謝仁安醫院所有護士們及霍詠儀醫生。」

文章轉載：https://hk.celebrity.yahoo.com/張繼聰陪產-預計老婆停工兩年-謝安琪剖腹誕女湊-好-字-221906493.html